गजल
फलेको फुलेको गुलाबै मजाको
गुफा त्यो महेन्द्र असाध्यै मजाको
विदेशी उडेरै रमायो चराझैँ
हिमालै छ प्यारो बतासै मजाको
म फेवा घुमेरै दिलैमा सजाएँ
घुमेको तलैया अचम्मै मजाको
ल ! सेती बगेकी धरा नै चिरेरै
हिमाली छ आभा बिछट्टै मजाको
तिमी छ्यौ पियारी मनैमा बसेकी
लहरै उभेको हिमालै मजाको
दिलैमा बसेरै त रम्छिन् पियारी
यसैले त छिन् पोखरानै मजाको ।
अनिताराज खतिवडा “शिखा”
डुमरवाना,बारा
