काठमाडौँ । प्रधानमन्त्री केपी शर्मा ओलीले राष्ट्रकवि माधवप्रसाद घिमिरेको १०१ बर्षको उमेरमा भएको निधनप्रति दुःख व्यक्त गर्नुभएको छ।प्रधानमन्त्री ओलीले मंगलबार सामाजिक सञ्जाल ट्विटरमामार्फत घिमिरेको निधनको खबरले आफूलाई दुख लागेको बताउनुभएको हो ।
राष्ट्र कवि माधवप्रसाद घिमिरेकाे १०२ बर्षकाे उमेरमा आज दुःखद निधन भएकाे छ । उहाँकाे अवसानबाट नेपालले साहित्य र वाङमयका एक विशिष्ट साधक गुमाएको छ। साहित्य मार्फत उहॉले मुलुकलाई लगाउनु भएको गुण नेपाली जनताले कहिल्यै भुल्ने छैनन्।…+ pic.twitter.com/G66wwJ6t2C
— K P Sharma Oli (@kpsharmaoli) August 18, 2020
प्रधानमन्त्री ओलीले ‘शोकको यस क्षणमा म उहाँप्रति उच्च सम्मान र श्रद्धाञ्जलि व्यक्त गर्दछु । साथै शोक सन्तप्त परिवार र आफन्तजनमा गहिरो समवेदना व्यक्त गर्दछु ।’ लेख्नुभएको छ । राष्ट्रकवि घिमिरेको अवसानबाट नेपालले साहित्य र वाङमयका एक विशिष्ट साधक गुमाएको प्रधानमन्त्री ओलीले लेख्नुभएको छ । उहाँले ‘साहित्य मार्फत उहॉले मुलुकलाई लगाउनु भएको गुण नेपाली जनताले कहिल्यै भुल्ने छैनन् ।’ समेत लेख्नुभएको छ ।
१९७६ असोज ७ गते लमजुङ जिल्लाको पुस्तुन गाउँमा जन्मिएका राष्ट्रकवि घिमिरेको मंगलबार कपुरधारस्थित निवासमा निधन भएको थियो ।
यस्तै पूर्वप्रधानमन्त्री तथा कांग्रेस सभापति शेर बहादुर देउवाले राष्ट्रकवि माधवप्रसाद घिमिरेको निधनको दुख व्यक्त गर्नुभएको छ ।
राष्ट्रकवि #माधवप्रसाद_घिमिरेको निधनको खवरले मर्माहित भएको छु। उहाँले नेपाली साहित्यका माध्यमबाट समाज परिवर्तनमा खेलेको भूमिका चिरकालसम्म अमर रहने छ। उहाँको निधनसँगै नेपाली साहित्यको एउटा कालखण्डले पनि विदाई लिएको छ।
राष्ट्रकविप्रति हृदयदेखि नै हार्दिक #श्रद्धाञ्जली। pic.twitter.com/EuhUQztbYB
— Sher Bahadur Deuba (@DeubaSherbdr) August 18, 2020
