काठमाडौं । राज्यविरूद्धको कसुरमा पक्राउ परेकी नेकपाको दाहाल-नेपाल समूहकी नेतृ राममकुमारी झाँक्रीले ओली सरकारविरूद्धको यो अन्तिम लडाइँ भएको बताएकी छन्।

प्रहरीले हिरासतमा लिएको केहीबेरपछि ट्वीट गर्दै झाँक्रीले सबैलाई धैर्य गर्न पनि भनेकी छन्।

‘राज्यविरूद्धको कसुरअन्तर्गत संविधानको धारा ५८ अनुसारको पक्राउ पूर्जी जारी गरी गिरफ्तार गरिएको छ। अपराध अनुसन्धान मीनभवनमा छु। सबै साथीहरूले धैर्य गर्नुहोला। यो अन्तिम लडाइँ हो। आफ्नो ठाउँमा डटौं,’ उनले ट्वीटमा भनेकी छन् ।

*राज्य विरूद्धका कसुर अन्तर्गत मुलुकी अपराध संहिता २०७४ दफा ५८ अनुसारको पक्राउ पूर्जी जारी गरी गिरफ्तार गरिएको छ। अपराध अनुसन्धान मिनभबनमा छु।
सबै साथिहरूले धैर्य गर्नुहोला।
यो अन्तिम लडाई हो।

— Ram kumari Jhakri (@Jhakri_didi) February 11, 2021