एजेन्सी । फ्रेन्च क्लब पेरिस सेन्ट जर्मेन (पीएसजी) ले च्याम्पियन्स लिग अन्तर्गत स्पेनिस क्लब बार्सिलोनासँगको खेलका लागि टिमको घोषणा गरेको छ ।
च्याम्पियन्स लिगको अन्तिम १६ अन्तर्गत बार्सिलोनासँगको पहिलो लेगका लागि पीएसजीले २२ सदस्सीय टिमको घोषणा गरेको हो ।
पीएसजीले घोषणा गरेको टिममा फरवार्ड नेयमार र मिडफिल्डर एन्जल डी मारिया परेका छैनन् ।
चोटका कारण नेयमार र डी मारियाले पहिलो लेग गुमाउने भएका हुन् ।
पीएसजीको टिममा मार्को भेराट्टी भने अटाएका छन् ।
पीएसजी र बार्सिलोनाबीचको पहिलो लेग खेल फेब्रुअरी १६ मा हुनेछ ।
खेल बार्सिलोनाको मैदानमा हुनेछ ।
