काठमाडौं । नेपाली कांग्रेसको भ्रातृ संगठन नेपाल विद्यार्थी संघ( नेविसंघ) ले कालापानी, लिपुलेक र लिम्पियाधुरा समेटिएको नयाँ नक्सासहितको पाठ्यपुस्तकको बिक्री खुला गर्न सरकारसँग माग गरेको छ ।
नेविसंघले बिहीबार प्रेस विज्ञिप्तमार्फत नयाँ नक्सासहितको पाठ्यपुस्तक सार्वजनिकमा लगाइएको रोकप्रति आपत्ति जनाउँदै तत्काल बिक्री-वितरण खुला गर्न सरकारसँग माग गरेको हो ।
नेविसंघले कक्षा ११ भर्नामा निजी शैक्षिक संस्थाहरूले मनलाग्दी शुल्क लिएको व्यापक गुनासो आएको भन्दै तत्काल नियमन गरी आवश्यक कारबाही गर्न पनि सरकारसँग माग गरेको छ ।
अध्यक्ष राजीव ढुंगानाद्वारा जारी विज्ञप्तिमा डा.गोविन्द केसीले उठाएका मागहरूप्रति पूर्ण ऐक्यबद्धता जनाउँदै मागहरु सम्बोधन गरेर उहाँको जीवनरक्षामा गम्भीर बन्न पनि सरकारसँग माग गरिएको छ ।
त्यस्तै चीनका लागि नेपाली राजदूत महेन्द्रबहादुर पाण्डेले कुटनीतिक मर्यादा विपरित अशोभनीय र गैरजिम्मेवार ढंगले दिएको अभिब्यक्ति प्रति गम्भीर ध्यानाकर्षण भएको भन्दै जवाफ मागेकाे छ ।
